Қазақ тілінің түсіндірмелік сөздігі: АУРУ

Сөз: Қазақ тілі Орыс тілі Ағылшын тілі Іздеу

|АУРУ #зат есім. 1. #медициналық. Ағзаның тіршілік ету, өсіпөну әрекетi мен құрылысының бұзылуы; науқас, кесел, дерт, сырқат. 2. Науқас адам, дімкәс кісi, сырқат адам. // Ауруға шалдыққан, дімкәс. 3. #ауыспалы мағына. Жағымсыз қылық, жаман әдет. 4. Бiр нәрсеге құмарлық. Ауру бақты. Ауру адамның күйжайына қарады, бағыпқақты, күттi. Ауру биледi. Сырқаты күшейдi, асқынды, дендедi. Ауруға [ ауру үстіне ] ауру жамады. Бұрынғы ауруына басқа ауру қосылды. Ауруға шалдықты [ ұрынды, ұшырады, кезіктi ]. Ауырып қалды, науқастанды, сырқаттанды, дерттендi. Аурудан тұрғандай. Өңi жаман, жүдеу, құп-қу. Аурудың бетi қайтты [ берi қарады ]. Науқасы жеңілдедi, айыға бастады. Аурудың емi. Ауруды жазатын нәрсе, тәсіл, шипа. Аурудың жасырын кезеңi [ мерзімi ]. #медициналық. Ауру қоздырғыш микробтың ағзаға енуінен бастап, аурудың алғашқы белгісi білінгенге дейінгi уақыт. Аурудың сөзi. Мәнсіз, жөнсіз, ақылпарасатқа жатпайтын сөз. Ауру ерегісіп кетедi. Ауру асқынып, қозып кетедi. Ауру жабысты. Науқас пайда болды, сырқаттанды. Ауру көрдi. Дерт санады, жаратпады, ұнатпады. Ауру қоздырушы [ таратушы ]. Ауруға шалдықтыратын, ауруын меңдететін. Ауру меңдедi [ күшейдi, дендедi ]. Ауруы асқынды, сырқаты күшейдi; дерт жеңдi. Ауру ошағы. #медициналық. Ауру-iндеттің басталған жерi, таралған аймағы. Ауруына ем қонбады. Сырқатына дауа болмады. Ауруын қаратты. Ауруын маманға тексертіп анықтады, ем-дом жасатты. Ауруын меңдетті. Науқасын күшейтті, асқындырды.