Қазақ тілінің түсіндірмелік сөздігі: АРАЛАС

|АРАЛАС #сын есім. Бiрдей емес, әртүрлi, ауыс-түйіс. // Өзара қатысы, арақатынасы. Аралас буынды. а) әдеб. Әртүрлi ырғақты болып келген. ә) #лингвистикалық. Сөз құрамында жуан және жіңішке буындар аралас келген. Аралас егіс. #ауылшаруашылық. Бiр танапта бір уақытта өсірілген бірнеше дақыл. Аралас индикаторлар. #химиялық. Мәнінің азғана аралығында өзінің түсін айқын өзгертетін, екі құрауыштың қоспасынан тұратын қышқылдықнегіздік индикаторлар. Аралас календарь. #астрономиялық. Аралас күнтізбе (аспан денелерінің бірінің ғана емес, бірнешесінің қозғалысы бойынша жылдар, айлар, күндердің саны мен тетелестігін реттеуде қолданылатын ережелер жүйесі). Аралас кәсi-порын. #экономикалық. Меншік нысандары алуан түрлі кәсіпорын. Аралас құрмалас сөйлем. #лингвистикалық. Құрамына енген компоненттерi бір-бірімен салаласып та, сабақтасып та байланысатын құрмалас сөйлем түрi. Аралас серіктестік. #экономикалық. Бiрнеше азаматтардың не заңды тұлғалардың бірлестігi. Аралас тұрпаттағы конституция. #құқықтық. Парламенттік заңдар мен соттың үлгі істәжірибелерімен қатар конституциялық рәсімдер мен қағидалық түсіндірулерді де қамтитын конституция. Аралас тіл. #лингвистикалық. Лексикалық құрамы, морфологиялық және синтаксистік т.б. құрылымы бір негізден емес, әр тектен қалыптасқан тіл [ Бұл құбылыс көбінесе өркениеттілігі неғұрлым төмен елдер мен жоғары елдердің өзара қарымқатынасының күшеюі негізінде туады. Соның нәтижесінде алғашқысы соңғысының есебінен бірқатар тілдік (көбінесе лексикалық) элементтерді қабылдайды. Мысалы: индонезия тілінің құрамында санскрит, араб, еуропалық тілдерден, вьетнам тілінде қытай тілінен, тхай және кхмер лексикасының көне қабаттарынан қабылданған сөздер мол кездеседі ]. Аралас экономика. #экономикалық. Экономиканың мемлекеттік, кооперативтік, меншік нысандарына негізделген шаруашылықты жүргізу жүйесi.
|АРАЛАС = #етістік. 1. Қосылу, бірігу. 2. Араласыпқұраласу, қарымқатынаста болу. 3. #ауыспалы мағына. Килігу, кірісу, қатысу.

© 2021. Wonder Words
Зияткерлік технологиялар институты