Kazakh explanatory dictionary: ӨЛІМ

Word: Kazakh Russian English Search

|ӨЛІМ #зат есім. 1. Жүрек соғуының тоқтауы; ажал, қаза. 2. #ауыспалы мағына. Ұят, ар; өлімнен ұят күшті мағынасында. Өлім алдында. Жан тапсырар, о дүниеге аттанар сәт, шақ. Өлім аузынан қайтты [ қалды ]. Өле жаздап барып, аман қалды. Өлім аузынан құтқарды. Ажалдан сақтап қалды. Өлім аузында [ үстінде ] жатыр. Ауру әбден меңдеген, халі нашар. Өлім аузында жатты. Ауруы асқынып өлетінi белгілi болды, хал үстінде жатты. Өлім болды. Ұят, масқара болды. Өлімге бел [ бас ] байлады [ бас тікті ]. Тәуекелге кірісті, бас кетсе де аянбады. Өлімге көзi қимады. Өлтіруге аяды, қолы бармады, жанына ара түстi. Өлім ғайып. Өлім тез, жылдам деген мағынада. Өлімді жеңді. Ажалдай уақиғаға берілмеді, қайраттанды. Өлім жазасы. а) #көнерген сөз. Шариғатқа қайшы іс-әрекет, сатқындық т.б. жасаған кісіні ат құйрығына байлау, тас боран қылу, түйеге асу, тірідей көму арқылы өлтіретін ауыр жаза. ә) #заң. Адамның өміріне қол сұғатын ерекше ауыр қылмыстар үшін, сондай-ақ соғыс кезінде немесе ұрыс жағдайында мемлекеттік сатқындық, бейбітшілікке және адамзаттың қауіпсіздігіне қарсы қылмыс және ерекше ауыр әскери қылмыстар жасағаны үшін ғана ең ауыр жаза ретінде берілетін ату, газға уландыру, өлтіру жазасы. Өлім жазасына кесті. Адамзатқа, елге қауіп төндірген, адам өлтірген т.б. ауыр қылмыс жасаған қылмыскерді, тұтқындарды өлтіруге үкім шығарды. Өлім жетті [ келді ]. Қырылды, өлді. Өлімнен алып қалды. Ажалдан құтқарды, ажалына араша болды. Өлім құшағында жатты. Өлі мен тірінің ортасында болды, хал үстінде жатты. Өлімнен ұят күшті. Абыройсыз болғаннан ажал артық деген мағынада. Өлім түртті. Ажал айдады, өлімге бастады. Өлім үстінде жатты. Науқастың халі нашарлады, қиындады. Өлімін сатты. Арұятын сатты.