Kazakh explanatory dictionary: ӨЗЕК

|ӨЗЕК 1#омоним #зат есім. 1. Жауын, қар суынан пайда болған, созылған ойыстығы 3–15 мге жететін ені тар, кішірек сай. 2. #су шаруашылық. Қолаттан қазған ордың тереңдігі, беткейбиіктігі және құламасымен ерекшеленетін бедердің теріс нысаны.
|ӨЗЕК 2#омоним #зат есім. 1. #ботаникалық. <лат. мedulla> Өсімдік сабағы мен тамырының ортасындағы жұмсақтау бөлік, жіңішке қуыс. 2. #этнографиялық. Қамшы өрімінің арасына салынатын ұзынша қатты зат (қорғасын, қайыс т.б.). 3. #ауыспалы мағына. Бір нәрсенің негізі, арқауы; желісі. 4. #биологиялық. Құс қауырсынының негізгі бөлігі. Өзек болды. Негіз етті, арқау болды. Өзек етті. Негіз болды, арқау етті. Өзектен соққан сом темір. Мықты, мызғымас берік ұғымында айтылады.
|ӨЗЕК 3#омоним #зат есім. 1. Жұтқыншақтан асқазанға дейінгі ас өтетін жол, өңеш. 2. #ауыспалы мағына. Ең қымбат, аяулы нәрсе. Өзегі кепті. Қаңсыды, сусырады. Өзегін берді. Жанын салды, аянбады. Өзегіне от [ өрт ] салды. Ішкі сезімін қозғады, жүрегін тербеді. Өзегіне өрт [ шоқ, от ] түсті. а) Қызғаныш оты лау- лады, іші күйді. ә) Қайғырды, қапаланды, күйінді. Өзегін жандырды [ күйдірді ]. Өзегі өртенді. Өзегін жарып шыққан. Өзінен туған, перзент. Өзегін өртеді. Жанына батты, күйіндірді. Өзегін тілді. а) Иіс қолқаны ашытты. ә) ішін өртеді, күйіндірді. Өзегі өртенді. а) іші күйді, қызғанды. ә) Күйінді, өкінді, қасірет шекті, қайғырды, қапаланды. Өзегі талды. Қарны ашты, ашықты. Өзегі үзілді. а) Қарны ашты, тамақ ішкісі келді, үздікті. ә) Егілді, елжіреді, езілді, жаны ашыды. Өзек жалғады. Аздап тамақ ішті; жүрек жалғады. Өзекке тепті. Мейірімсіздік көрсетті, жаманшылық істеді.
|ӨЗЕК 4#омоним #зат есім. Ұңғы, ствол.

© 2021. Wonder Words
Institute of Intellectual Technologies