Kazakh explanatory dictionary: ҚҰЛҚЫН

Word: Kazakh Russian English Search

|ҚҰЛҚЫН 1#омоним [ #араб тілі. ] #зат есім. Қара бастың қамы, пайдасы. Құлқын алды. Араны ашылды, ниетi бұзылды. Құлқынға құл болу. Жеке басының пайдасын ғана ойлау. Құлқын мінез. Тойымсыздық, ашкөздік. Құлқынның кірі көрінді. Ұятсыздығы, тойымсыздығы байқалды. Құлқынның құлы. Қара басының қамын ойлаушы; тойымсыз, пайдакүнем, ұятты ойламайтын. Құлқын саусақ. Ашкөздік, парақорлық. Құлқын таныды. Ынтасын, діттегенін, аранын байқады. Құлқын тар етпеді. Дүние жинамады, пейілі кең болды. Құлқыны аңсады. Армандады, ашкөзденіп, қомағайланып, көп нәрсені қамтығысы келді. Құлқыны ашылды. Ашкөзденді, араны ашылды. Құлқыны бүлк-бүлк етті. Бірдеме дәметті, қамтып қалғысы келді. Құлқыны жаман. а) Ындыны бұзық, нысапсыз, қанағатсыз. ә) Ашқарақ, қомағай. Құлқыны құрғыр. Нәпсісі “бар болғыр” деген мағынада. Құлқыны құрыды. Дәметті, бір нәрсе алып қалғысы келді, ындыны ауды. Құлқынын құртты. Құлқынын тесті, есін кетірді. Құлқынынан өткізіп жіберді. Жеп қойды, арам жолмен өзіне пайда қылды. Құлқынына тықты. Пара берді, үнін өшірді, аузын алды деген мағынада. Құлқынын ашты. Аранын ашты, тойымсызданды. Құлқынын құрт тесті. Бір нәрсенің құмары қысты. Құлқынын құртты. Көкейін тесті, аңсары ауды. Құлқынын ойлады. Өз пайдасын есептеді, қара басының қамын жеді. Құлқынын сезді. Арам ойын, ашкөздігін байқады. Құлқыныңа құм құйылсын [ құлқының құрғыр ]. #қарғыс сөз. Ындының құрысын, тамағыңа тас тығылсын. Құлқыны үшін арын сатты. Қара басының пайдасы үшін адамдықты ұмытты.
|ҚҰЛҚЫН 2#омоним #зат есім. Құтанның мойыны.
|ҚҰЛҚЫН 3#омоним: құлқын сәрі. Таң жаңа сыз беріп атып келе жатқан кез.