Kazakh explanatory dictionary: ҚҰДАҒИ

Word: Kazakh Russian English Search

|ҚҰДАҒИ #зат есім. #этнографиялық. 1. Күйеу мен қалыңдықтың шешелері немесе әжелері (құдандалы адамдардың әйелдері). 2. Күйеу мен қалыңдықтың немесе ерлі-зайыпты адамдардың ересек әйел туыстары мен жеңгелері. Құдағи жүзік. #зергерлік. Қазақ салты бойынша қыз шешесінің құдағиына сыйлайтын қос дөңгелекті, үсті тұтас, қомақты, асыл тастардан көз қондырылып сірке салынған, алтынмен апталған аса қымбат жүзігі [ Бұл кәдімгі қос балдақ жүзікке ұқсас, бірақ одан көркемделуі жағынан ерекше болып келеді, әрі мұны қыздың шешесі зергерге арнайы жасатады да, екі жастың қатар тұрған қос балдақтай қартайғанша бірге өмір сүруін тілейтіндігінің белгісі ретінде құдағиына сыйға тартады ]. Құдағи табақ. #этнографиялық. Сыбағасы ретінде жылқы, сиыр, қой еттерінен жақ, қазы-қарта, қарын, тоқ ішек, асықты жілік салынып, құдағиларға ұсынылатын табақ.