Kazakh explanatory dictionary: Қанат

Word: Kazakh Russian English Search

|ҚАНАТ #зат есім. 1. Құстардың, жәндіктердің ұшу қызметін атқаратын мүшесі. 2. #анатомиялық. #термин. <лат. аlаe> Құс және шыбын-шіркей сияқты жәндіктердің ұшу қызметін атқаратын дене мүшесі, жануарлардың ұшу органы. 3. #анатомиялық. Балықтың жүзу қызметін атқаратын дене мүшесі. 4. Ұшақтың көтеріліп, ұшыпқонуына қажетті құс қанаты тәріздес негізгі бөлігі. 5. #әскери сөз. Әскер шебінің екі жақ (оң мен сол) шеттері; қаптал, фланг. 6. Арбашананың немесе басқа бір заттың үстін кеңейту үшін бекіткен ағаш. 7. #этнографиялық. Киіз үйдің әрбір керегесі мен шиі. 8. Белгілі бір нәрсенің орналасқан шебі, екі жағы. 9. #ауыспалы мағына. Сенімді серік, арқа сүйер таяныш, тірек. 10. #ауыспалы мағына. Қолы, құшағы. Қанат берді. Дем берді, жігерлендірді. Қанат болды. Серік, сүйеу болды. Қанат бүкті. Қонды. Қанат бітті. а) Көңілі алып ұшты, көкке көтерілгендей болды. ә) Қарқын алды, шабыттанды. Қанат бітірді. Шабыттандырды, рухтандырды, демеп, шабыт берді. Қанат жазды. а) Еркінсіді, бой жазды. ә) Белгілі болды, танылды, ауызға ілінді. Қанат жаю. Даму, өркендеу. Қанат қақты. а) Ұшуға талпынды; ұшты. ә) Жарыққа шықты, әйгілі болды, жұртқа тарады. б) Танымал болды, діттегеніне жеті. Қанат салу. #саятшылық. Бүркіттің ұябасары мен шәулісінің бірінбірі қуалап, жоғары шарықтап, төмен құлдилап ойнайтын күйтойнағы. Қанат сермедi. а) Ұшты. ә) Шарықтады, қарыштады. Қанаттыға қақтырмай, тұмсықтыға шоқыттырмай өсірді. Ешкімге тигізбеді, жан-тәнімен бағыпқақты, қорғады. Қанаты бекіді [ қатайды ]. Ер жетті, бойы өсіп, бұғанасы қатты. Қанаты бүтін сұңқар жоқ, тұяғы бүтін тұлпар жоқ. Мінсіз, кемістіксіз еш нәрсе болмайды деген мағынада. Қанаты қайырылды. Тауы шағылды, мысы құрыды. Қанаты қатқан. Балапанның көк қауырсыннан кейінгі ұшуға талпынған кезі. Қанаты қатпаған. Әлі есейіп жетпеген, балғын. Қанаты қырқылды. Тауы шағылды, беті қайтты. Қанатымен су септі. Аздап болса да шарапатын тигізді. Қанатымен ұшып, құйрығымен қонды. Сүйемелдейтін жақындары, аға-іні, баласы бар кісіні айтады. Қанатына [ қанатының астына ] алды. Қамқорлық жасады, пана болды. Қанатын делдиттi. Қанатын жайды. Қанатын жайды. а) Екі қолды созып жіберді. ә) Кеңейді, көбейді. б) Өрістеді, өркендеді. â) Кеңінен таралды, көпке жайылды. г) Қаптады, қоршап алды. Қанатын қиды [ кесті, қырықты ]. Сорлат ты, сорын қайнатты, қадамын, өрісін қысқартты. Қанатын қомдады. а) Ұшуға ыңғайланды, қанатын көтерді. ә) Талаптанды, ілгері ұмтылды. б) Дайындалды, әзірленді, сайланды. Қанатын қомдандырды. Ынталандырды, күш-жігер берді, демеу болды. Қанатының астына тықты. Қорғаштады, қорғады. Қанаты талды. а) Құс болдырып ұша алмай қалды. ә) Шаршап-шалдықты, қажыды.
|ҚАНАТ = #етістік. 1. Жарақат алу, денеге зақым келтіру. 2. Қан ағызу. 3. Қан шығару.