Kazakh explanatory dictionary: ҚАСІРЕТ

Word: Kazakh Russian English Search

|ҚАСІРЕТ [ #араб тілі. ] #зат есім. 1. Басқа түскен уайым, қайғы, ішкі жан күйзелісі. 2. Бақытсыздық, сәтсіздік. 3. #философиялық. Басқалар үшін болған жан азабы, жақынының күнәсі үшін көрген ішкі күйзеліс, өзгенің ауыртпашылығын өзінікіндей сезінуден туған қайғы. Қасірет белдеуі. #тарихи.#саяси. XVІІІ ғасырдың 50жылдары Тобыл мен Ертіс өзендерінің аралығында салынған Ресейдің әскери бекіністері. Қасірет екен. Қайғының ауыр салмағын сезіну, о дүниелік болған адамды жоқтау, аңсау мағынасында ішкі күйзеліс, ауыр халді сипаттайтын сөзқолданыс. Қасірет етті. Қайғыланды, азап тартты, уайымға түсті. Қасірет жанына батты. Жүрегін қайғы торлап, азаптады. Қасірет жастанды. Қатты күйінді, уайымға салынды. Қасірет жоқ, қайғы жоқ. #поэтикалық. Еш нәрсемен уайымы жоқ, бас қатырып, азаптанып жанын салатын маңыздымәнді іс жоқ, қиынқыстаулы жолмен жететін асқақ мақсат жоқ. Қасірет жұтып, қайғы қақырды. Қайғы-қасірет шекті, ауыр қайғыға душар болды. Қасіретке кезікті. Уайымға түсті, қайғылы жағдайға тап болды, бақытсыздыққа ұшырады. Қасірет келді. Басына қайғы түсті, ауыртпалыққа кез болды. Қасірет қысты. Азап жанын жеді, қиналды. Қасірет от [ оты ]. #поэтикалық. Жан азабы, жанға қатты батқан қайғы, күйініш. Қасірет пен күйік жастанды. Қайғырды, мұңға батты. Қасіретпен қан құсты [ жұтты ]. Ауыр қайғыдан езіліп, дүниеден баз кешті, өмірден түңілді. Қасірет тартты. Қатты қайғыланды, азап көрді. Қасіреттен арылды. Уайымы сейіліп, жаны жадырады. Қасірет уын татты. Азап шекті, қиындық көрді, қатты уайымдады. Қасірет үстіне қасірет жамалды. Қайғысы ұлғайып, азабы көбейді, уайымы арта түсті. Қасірет шекті. Қайғырып қан жұтты, ой ойлап жүдепжадады. Қасірет шерін төкті. Қайғырды, қасірет тартты, қайғы шекті. Қасірет шықты. Шері тарқады, іштегі уайым, күйзелісі жеңілдеді. Қасіретіне ем тапты. Дертіне дауа тапты, айықты, күйзелісқайғыдан айырды. Қасіретіне ортақ болды. Қайғысына ортақтасты, қолдау көрсетті, демеу болды, ауыртпалығын бөлісті. Қасіретін жеткізді. Қайғықұсасын ақтарды, мұңын шақты. Қасіретін көтеру. Қиындығына төзу, азабын шегу, ауыртпалығына, бейнетіне көндігу. Қасіретін шығара алмады. а) Мұңшерден арылмады, қайғысы азаймады. ә) Қасіретқайғысы туралы ешкімге айта алмады, iштен тынды, қиналғанын көрсете алмады.