Kazakh explanatory dictionary: ШЫРТ

Word: Kazakh Russian English Search

|ШЫРТ 1#омоним #еліктеуіш сөз. Қатты нәрсенің морт сынғанда, шытынағанда шығатын және т.б. қысқа дыбысты білдіретін сөз. Шырт ашуланды [ ете қалды ]. қит ете қалды, тез ашуланды, табан астында тулады. Шырт ете қалды. Ашуланды, табан астында тулады. Шырт еткізді. Шыртылдаған дыбыс шығарды. Шырт етті. а) Шырт еткен, морт сынған дыбыс шықты. ә) Техниканың тетігін басып қалды. б) Бырт еткізіп түкірді. в) #жергілікті сөз. Сырт етті, тырс етті. г) Тез ашуланды, тыз етті. Шырт кететін. Ашуланшақ, мінезі кіді, шат пашұрт. Шырт киіндірді. #экспрессивті. Басынан аяғына дейін жаңа, жақсы киім алып беріп, кигізіп қойды. Шырт сынады. Тез ашуланады, тыз етпе. Шырт түкірді. а) Бырт еткізіп түкірді. ә) Шіреніп, әлдеқандай болып көрінді. Шырт түйді. Қабағын тырыстырды, түйді. Шырт тыныштық. Мүлгіген тыныштық.
|ШЫРТ 2#омоним #сын есім. Көзге түртсе, көргісіз, түк көрінбейтін. Шырт [ шырттай ] қараңғы. Түк көргісіз қараңғы, тас қараңғы. Шырт ұйқы. а) Әрі қатты, әрі тәтті ұйқы. ә) Түк сезбес, дым сез бес, мақұрым күй. Шырт ұйқыда. Қатты ұйқыда, тәтті ұйқының құшағында. Шырт ұйқыда жатыр. Қатты ұйқыда.