Kazakh explanatory dictionary: ХАЛЫҚАРАЛЫҚ

Word: Kazakh Russian English Search

|ХАЛЫҚАРАЛЫҚ #сын есім. 1. Сыртқы саясатқа, халықтар мен елдердің өзара байланысына қатысты, соларға тән. 2. Көптеген халықтарға тараған, солардың арасында болатын, интернационалды. Халықаралық арена. к i т. Бүкіл әлемдік көлем. Халықаралық аудит стандарты. #экономикалық. Аудиторлық тексеруді оңтайландырып, жеңілдететін, халықаралық тәжірибені ескеретін, кейбір аудиторлық фирмалар (ұйымдар) сапасының салыстырылуын қамтамасыз ететін нормалар мен жалпы ережелер кешені. Халықаралық ахуал. #саяси. Мемлекетаралық қатынастардың жайжапсары, жағдайы. Халықаралық байланыс. а) #саяси. Мемлекеттер, халықтар арасындағы қатынас. ә) #техникалық. Телефон, телеграф, радио, спутниктік техникалық құралдар арқылы басқа алыс-жақын шетелдермен қатынас. Халықаралық бухгалтерлік стандарт. #экономикалық. Бухгалтерлік есепті жүргізудің нарықтық және инфляциялық процестерді және олардың кәсіпорынның материалдықөндірістік босалқы қорларын бағалауға ықпалын ескеретін жалпы ережелер түріндегі бағдары. Халықаралық бірлік жүйесі. 1960 жылы Парижде өткен мөлшер мен салмақ туралы Хқ Генералдық конференцияда барлық ғылыми, техникалық, халықшарушылығы салаларына және білім жүйесіне арналып қабылданған физикалық шамалардың әмбебап бірлік жүйесі. Халықаралық валюта қатынастары. #экономикалық. Дүниежүзілік шаруашылықта валютаның жұмыс істеуі кезінде қалыптасатын, ұлттық шаруашылықтар қызметінің нәтижелерін өзара айырбастауға қызмет көрсететін қоғамдық қатынастар жиынтығы. Халықаралық валюта өтімділігі. #экономикалық. Жекелеген елдің немесе барлық елдердің өзінің сыртқы міндеттемелерін қолайлы төлем қаражатымен үздіксіз төлеу мүмкіндігі. Халықаралық еңбек бөлінісі. #экономикалық. Қоғамдық еңбек бөлінісі дамуының жоғары сатысы, жекелеген елдердің өнімнің осы елдер айырбастайтын белгілі бір түрлерін өндіруге мамандануы. Халықаралық есеп айырысу. #экономикалық. Әртүрлі елдер мен фирмалардың өкілдері арасындағы экономикалық, саяси және мәдени байланыстар негізінде туындайтын есеп айырысу. Халықаралық келісімдер. #саяси. Орындалуы міндетті, халықаралық қауымдастық мүшелерінің арасында, мейлі ол егеменді мемлекеттер болсын немесе халықаралық ұйымдар болсын кез келген келісімшартқа отыру. Халықаралық қауым. #сөйлеу. Дүниежүзі, әлем. Халықаралық қауіпсіздік. #саяси. а) Халықаралық қатынастар жүйесінің тұрақсыздандыру, конфронтация, қарулы қақтығыстар мен соғыстар қауіпқатерінен қорғалуы. ә) Бүкіләлемдік бейбітшілікті бұзуды немесе халықтар қауіпсіздігіне қатер төндіруді жоққа шығаратын халықаралық қатынастар қалпы. Халықаралық қоғамдастық. Ортақ мүдделі халықтардың ұйымдасқан бірлестігі. Халықаралық #құқықтық.#заң. <ағыл. internаtіоnаl lаw> Мемлекеттер мен халықаралық байланыстың басқа да қатысушылары арасындағы қарымқатынастарды реттеуші заңдық ұстанымдар мен нормалардың жиынтығы. Халықаралық лаңкестік [ терроризм ]. #саяси. Мемлекет басшыларының, топ адамдардың, жалпы халықтың үрейін ұшыру мақсатында адамдарға немесе жекеменшікке бағытталған бір мемлекет өкілдерінің екіншісіне қарсы акті жасау, ұйымдастыру, жүзеге асыруға жәрдемдесу, қаржыландыру немесе қолдау көрсетуі немесе оған жол беру әрекеттері (БҰҰ-ның адамзаттың қауіпсіздігі мен бейбітшілікке қарсы қылмыстар Кодексінің жобасындағы анықтамаға сәйкес). Халықаралық лаңкестік. Мемлекетаралық саяси күштер, дін, саясат арасындағы алакөздік, қасақана қылмыстық іс-әрекет. Халықаралық лизинг. #экономикалық. Әртүрлі елдердің кәсіпорындары мен ұйымдары жасасатын жалгерлік шарт [ Лизингілік фирма мен жалгердің немесе лизингілік фирма мен жеткізушінің (жалға берілетін мүлік иесінің) әртүрлі елдерде болатындығымен сипатталады ]. Халықаралық маркетинг. #экономикалық. Ұйым орналасқан елден тыс жерлердегі тауарлар мен қызметтер маркетингі. Халықаралық монополиялар. #экономикалық. Барынша көп пайда алу мақсатымен дүниежүзілік шаруашылықтың бір немесе бірнеше саласын бақылайтын жекеше және акционерлік кәсіпорындардың ірі бірлестіктері [ Олар шетелде күрделі жұмсалымдары бар ұлттық (ұлтаралық) трестер мен концерндер, меншіктіхалықаралық (ұлтаралық) монополиялар және фирмааралық одақтар (картельдер, синдикаттар, трестер) нысанында болып келеді ]. Халықаралық несие. #экономикалық. Мемлекеттер, халықаралық банктер, қаржы ұйымдары, жеке банктер мен фирмалар, басқа да заңды және жеке тұлғалар халықаралық ынтымақтастық барысында мерзімділік қайтарылым және пайыз төлеу шартымен беретін несие. Халықаралық өзендер. #географиялық. Екі немесе бірнеше мемлекеттің территориясын бөліп тұратын өзендер. Халықаралық сауда. #экономикалық. Қалыптасқан мемлекеттік ұлттық шаруашылықтар арасындағы тауарлар мен көрсетілетін қызметтер айырбасы. Халықаралық сауданы ырықтандыру. #экономикалық. Халықаралық сауданы дамыту жолында тұрған кедендік және тарифтік емес кедергілерді азайту үдерісі. Халықаралық сауда-саттық. #экономикалық. Халықаралық рынокта жабдықты сатып алуға берілген тапсырыстарды орналастырудың немесе кешенді нысандарды салу және басқа жұмыстарды орындау, сондай-ақ инжинирингілік қызметтерді көрсету үшін мердігерлерді тартудың конкурстық нысаны. Халықаралық саяси тәртіп. #саяси. Халықаралық қатынастар жүйесіндегі қандай да бір сапалық жағдайды, қалыпты атауда қолданылатын ұғым. Халықаралық сот. #заң. Біріккен Ұлттар Ұйымының негізгі сот органы [ 1945 жылы құрылған. Орналасқан жері – Гаага қаласы ]. Халықаралық сөздер. #лингвистикалық. Сыртқы тұлғасы жағынан бірдей, мағынасы жағынан толық не жартылай сәйкес келетін, ғылым, техника, саясат, мәдениет, өнер саласындағы халықаралық ұғымдарды білдіретін, әртүрлі тілде, оның ішінде туыс емес тілдерде қолданылатын сөздер; интернационализмдер. Халықаралық стандарт. Стандарттау жөніндегі халықаралық ұйым қабылдаған және тұтынушылардың қалың көпшілігінің қолы жетімді стандарт. Халықаралық тәртіптер. #саяси. <ағыл. internаtіоnаl regіmes> Халықаралық қатынастардың қандай да бір саласында әлемдік қауымдастық мүшелерінің талаптілектеріне сәйкес келетін принциптер, ережелер, нормалар, процедуралар жиынтығы. Халықаралық тілдер. #лингвистикалық. Әртүрлі мемлекеттерде тұрып жатқан халықтардың өзара қарым-қатынас құралы ретінде пайдаланатын тілдер [ Пиджин, лингва франкадан бірнеше тілдің араласып, сауда жүйесіне қолданылатын гибрид тілдер, көбінесе мемлекеттер арасында шекаралық аймақтарда кездеседі ]. Халықаралық ұйымдар. #саяси. Мемлекеттердің немесе олардың құрылымдарының, сондай-ақ қоғамдық ұйымдардың, ұлттық қоғамдардың, үкіметтік емес сипаттағы қауымдастықтардың, әртүрлі мемлекеттердің атынан жүретін жеке мүшелердің бірлесуі [ Қоғамдық өмірдің әртүрлі (саяси, экономикалық, әлеуметтік, мәдени, ғылыми-техникалық және тағы басқа.) салаларында ортақ мақсаттарға жету үшін құрылады және халықаралық әріптестіктің аса маңызды түрі болып табылады ]. Халықаралық шарт. #саяси. #экономикалық. Тең құқықты екі немесе бірнеше мемлекеттің арасындағы немесе халықаралық ұйымдардың арасындағы олардың саяси, экономикалық, мәдени т.б. ынтымақтастық саласындағы өзара құқықтары мен міндеттерін белгілеуге, өзгертуге немесе тоқтатуға қатысты ерікті келісім.