Kazakh explanatory dictionary: РУХАНИ

Word: Kazakh Russian English Search

|РУХАНИ [ #араб тілі. ] #сын есім. 1. Адамның ойсанасына, іші дүниесіне байланысты, соған қатысты. 2. Материалдыққа қарама-қарсы, ақыл, ой, сана, мәдениетке қатысты. // Зиялылар. Рухани ағым. Жан дүние, мақсатмүддеге сай пікірлер қозғалысы. Рухани азық. Адамның жан дүниесін қанағаттандыратын, ішкі мақсатмүддесіне сай келетін ой, идея, пікір, ағым. Рухани әлем. Адамның жан дүниесі, гуманистік көзқарасы. Рухани байлық. Жан дүниенің кеңдігі, білімділік пен зерделілік, парасаттылық. Рухани бейне. Парасаттылық, адамгершілік бітімі. Рухани болмыс. Парасаттылық, адамгершілік, жан дүние байлығы. Рухани дағдарыс. қоғ.-әлеум. Идеясыздық, айқын мақсат, мүдденің жоқтығынан болатын тоқырау. Рухани даму. қоғ. -әлеум. Жан дүниенің баюы, айқын мақсатмүдде, өміршең идея негізінде қоғам мүшелері ойсанасының өсуі, парасатының артуы. Рухани дүние. Жан дүние, ойсананы байытатын дүниеліктер, материалды емес дүние. Рухани жүйе. Жан дүние, ой-сана, болмыс. Рухани игілік. Білім, рухани мәдениеттің жетістіктері, эстетикалық байлықтар, адамдардың мінезқұлқынан көрінетін адамгершілік қасиеттер т.б. Рухани идара. Рухани сипаттағы пікірталас, ойпікір бөлісу өтетін қоғамдық орын. Рухани кеңістік. #кітабистиль. Белгілі бір ортақ бірегейліктегі қауымдастықтың зияткер лік, идеялық т.б. көрністерінің таралу ауқымы, аймағы. Рухани көмек. Ақыл қосу, кеңес беру, жақсы сөз айту, біліммен байыту сияқты сауапты іс. Рухани көсем. #кітабистиль. Білімі, парасаты, зерделілігі, имандылығы биік ел көшбасшысы. Рухани күш. Адамгершілік, ар-ождан, имандылық, парасат, жан дүние байлығы жағынан мықты тірек болатын, әсер ететін күш. Рухани қайнар [ бастау ]. Парасат, жан дүние байлығының бастауы. Рухани қажеттіліктер. Адамның жеке тұлғалық шығармашылықтәлімдік және мәдениәлеуметтік қажетін қанағаттандыратын құндылықтарға ынталылық. Рухани қожырау. Адамның, халықтың, ұлттың мәдени, рухани дүниесінің, тағы да басқа адами құндылықтарының азып, төмен түсіп кетуі, құлдырауы. Рухани құндылық. Бір ұлттың, не халықтың, қауымдастық немесе топтың, жеке тұлғаның ертеден бағалап келген жан дүние, білім, мәдениет, адамшылдық идеясының негізі болып табылатын ұстанымдары, қастерлі ұғымдары. Рухани ләззат. Жан ләззаты, жандүние, ойсанасын қанағаттандырушылық. Рухани мәдениет. а) Адамның өзіне және басқа адамдарға, дүниеге қатысын реттейтін дәстүрлер мен құндылықтардың жиынтығы. ә) Адамдардың қоғам өміріндегі мәдени қызметінің нәтижесі. Рухани мәнділік. Рухани дүниеліктер, жандүние, парасат байлығындағы ерекше құндылықтар. Рухани мұра. Әдебиет, тіл, тарих, сәулет өнері т.б. сияқты заттық қана емес, идеялық құндылықтарды жасайтын туындылардың мұрағаттары. Рухани мүдде. #философиялық. Субъектінің жеке еркіндігі мен оның шығармашылық ізденісіне ұйытқы болатын, адамның кісілік қасиеттерін қолдай отырып, оған қажетті бағдар беретін белгілі бір әлеуметтіктарихи топтың дәстүрлі қажеттілігі. Рухани орта. Өзара мүдделес, ойпікірі ұқсас, жан дүние қажеттіліктері мен құндылықтары бір адамдар тобы. Рухани өмір. Материалды байлықтан тыс, адамдардың ойсанасы, ақылпарасаты, білімі, білігі, жан дүние байлығы көрінетін өмір. Рухани тазару. Жан дүние, діл, адамгершілік, адамшылық т.б. жақтан жақсару.