Kazakh explanatory dictionary: МӘҢГІЛІК
|МӘҢГІЛІК #зат есім. Мәңгібақилық, өмірлік. // Мәңгі, өмірбақи. // Шетсіз, шексіз, соңы, аяғы жоқ. Мәңгілік ақиқат. #философиялық. Танымның даму барысында ақиқатты жоққа шығаруға болмайтындығын білдіретін термин. Мәңгілік алау. Белгілі бір ерлікті еске түсіретін уақиғаға байланысты орнатылған мемориалда, ескерткіштерде күндіз-түні жанып тұратын от. Мәңгілік бейнелер. әдеб. Белгілі бір заманда қоғамдық ортада қалыптасқан мінез ерекшелігі бар, бойынан жалпы адамзатқа тән қасиеттері танылып, типтік тұлға дәрежесіне көтерілген әдеби бейнелер. Мәңгілік қозғалтқыш. #физикалық. <лат. perpetuum mоbіle> Бір қозғалтып жібергеннен кейін сырттан энергия алмай, шексіз уақыт жұмыс істейтін қиялдан туған қозғалтқыш. Мәңгілік махаббат. Өшпейтін сүйіспеншілік сезім. Мәңгілік тоң. а) #географиялық. Жер қыртысының жоғарғы бөлігіндегі таужыныстардың 0°Стан төмен температурада сууымен сипатталатын, бірнеше жылдан мыңдаған жылдарға үздіксіз жалғасатын және физикалықгеографиялық ортаның өзгеруімен бірге өзгеретін табиғат құбылысы. ә) #геологиялық. Жер бетіне жақын орналасқан, температура мөлшерінің теріс мәнімен сипатталатын, құрамында міндетті түрде мұз түйіршіктері шегенделген таужыныстар қабаты.
© 2021. Wonder Words
Institute of Intellectual Technologies