Kazakh explanatory dictionary: КӘРІЗ

Word: Kazakh Russian English Search

|КӘРІЗ [ ир. ] #зат есім. 1. Жерасты суларын шаруашылыққа пайдалану үшін жерастынан көлбей қазылған арық немесе арна. 2. #су шаруашылық. Жерасты суларын бір орынға жинап, оларды шаруашылықта пайдалану мақсатында жер бетіне шығару үшін жасалған, көлбеуге дерлік бағытта жерасты суларының ағысы бойынша орналасқан жерасты галереясы немесе жерді құрғату аймағындағы топырақтағы артық суды жинап, құбыр, канал арқылы басқа жаққа бұрып әкетуін жүзеге асыратын құрғату тәсілі. Кәрізді жуыпшаю мәшинелері. #су шаруашылық. Құбырдағы тұнба қалдықтарды жуыпшайып, тазалайтын мәшинелер. Кәрізді лайланудан қорғау. #су шаруашылық. Арнаулы инженерлік және агромелиорациялық жұмыстар арқылы кәрізді лайланудан сақтау шараларының жинағы. Кәріздің су қабылдау мүмкіндігі. #су шаруашылық. Кәріздің жер құрғату әрекетінің белгілі бір жағдайдағы тұрқы, құрғатылатын жердің топырағынан суды қабылдау қасиеті, көрсеткіші. Кәріздің тұнбалануы. #су шаруашылық. Әртүрлі жағдайларға байланысты ашық және жабық (жерасты) кәріз жүйесінің тұнба заттармен жабылып (бекітіліп), сулы таужыныстардың құрғауының тоқтауы. Кәріздің шөгуі. #су шаруашылық. Кәріздеу құбырларының тігінен жылжып шөгуі. Кәрізді шаю. #су шаруашылық. Кәріз тармақтарындағы құбырларда кептеліп қалған су тұнбасын күшті қысыммен ығыстыру немесе әртүрлі ерітінділермен және тағы басқа. шаю, жуыптазалау тәсілдері. Кәріз орналастыру тереңдігі. #су шаруашылық. Кәрізді құбырды жерастына белгілі бір тереңдікте орналастыру; құбырдың еңістігін сақтай отырып, індік немесе саңылауы кәріз түрін жасау әдістері. Кәріз суы. #су шаруашылық. Жер қыртысы мен жербеті суының тұтастай трансформацияланған түрі. Кәріз табаны тұнбалануы. #су шаруашылық. Кәріз құбырлары мен тармақтары табанының қайырланып, тұнба шөгінділермен батпақтануы және құбырларда минералдық түйіршіктермен тұздың шөгуі.