Kazakh explanatory dictionary: КЕНІШ

Word: Kazakh Russian English Search

|КЕНІШ [ #араб тілі. ] #зат есім. 1. Жер қойнауынан пай далы қазба байлықтар өндіретін кәсіпорын. 2. #ауыспалы мағына. Береке, байлық, молшылық. Кеніш апатынан құтқару. #кен ісі. Шахта қызметкерлері мен құтқару бөлімдері орындайтын арнайы жұмыстар. Кеніш ауасы. 1. Кен қазбаларын толтыратын газдар мен булар қоспасы. 2. Кен қазба ларына жер бетінен келіп түсетін және жолай құрамында әртүрлі өзгерістер болатын атмосфералық ауа. Кеніш ауасын кондициялау. #кен ісі. Шахтада (қазбаларда) сыртқы факторларға (ауа райы, жыл мезгілі) және ішкі факторларға (адамдардың болуы, жылу көздері, ылғалдылық, әртүрлі газдардың, шаңның болуы) қарамастан, ауаның құрамы мен қалыпты күйін сақтайтындай шаралар кешені. Кеніш газдары. #кен ісі. Пайдалы қазылымға не оны сыйыстырушы таужыныстарға ілеспе табиғи газдар және технологиялық газдар. Кеніш жарығы. #кен ісі. Кен қазып алу жұмыстары кезінде қолайлы жағдай жасау мақсатымен жарық қуатын алу, бөлу және пайдалану әдістері мен құралдарының жиынтығы. Кеніш өрттері. #кен ісі. Пайдалы қазылымдар массивінде және тікелей кен қазбаларында (жер асты, жер бетінде) тікелей пайда болатын өрттер. Кеніш өртін оқшаулау. #кен ісі. Өрт ошағын оған таза ауа жібермеу үшін жақын орналасқан қазбалардан бөліп тастау. Кеніштегі өрт газдары. #кен ісі. Өрт ошағынан не өрт телімінен бөлініп шығатын газдар. Кеніш электровозы. #кен ісі. Аккумуляторлық батареядан немесе аспалы түйіспелі сым арқылы келетін электр энергиясымен қоректенетін электрқозғалтқыштан күш алатын локомотив.