Kazakh explanatory dictionary: ЖІГЕР

Word: Kazakh Russian English Search

|ЖІГЕР [ ир. ] #зат есім. 1. Қажыр, қайрат. 2. Өзін-өзі жеңе алушылық, ынта. 3. Намыс. Жігер берді. Рухтандырды, шабыттандырды. Жігерін жаныды [ қамшылады, қайрады, шыңдады ]. Қайрады, намысын қоздырып, рухын оятты. Жігерін жасытты. Бетін қайтарды, еңсесін түсірді, мұқалтты. Жігерін құммен тең қылды [ етті ]. Адамның көңілін бұзып, жұмысқа деген ынтасын құртып, жасытып, діңкелетіп жіберді. Жігерімен тасты үгіткен [ даланы дүр сілкінткен ]. Ерекше қайратты, еркі күшті, ержүрек, батыл, батыр, өркеуде (жан). Жігер салды. Бар қажыр-қайрат, күшін жұмсады. Жiгердi қашайды. #бейнелі сөзқолданыс. Жiгерлендіредi, рух, дем бередi. Жігері бор болды [ уатылды ]. Қатты жасып, тауы шағылып, тауаны қайтты. Жігері жетесінен тайды. Дәрменсіздік танытты, шамашарқы кеміді, рухсызданды, азды, әлсіреді. Жігері жетпеді. Батылсыздық танытты, шамасы келмеді, күші жетпеді. Жігері жоқ. Көңілі босаң, намысшыл емес, босбелбеу, қайратсыз, жасық, жасқаншақ. Жігері қайнады. Намысқа тырысып, өзін-өзі қамшылап, қайраттанды, рухтанды. Жігері құм [ еңбегі еш ] болды. Мысы құрыды, жасыды, тауы шағылды. Жігері ұнтатылды. Меселі қайтты, жасыды. Жігері тасыды. Қайраттанды, қажырланды.