Kazakh explanatory dictionary: БАУ

Word: Kazakh Russian English Search

|БАУ 1#омоним #зат есім. 1. Киімнің немесе тағы басқа тұрмыстық заттардың әртүрлi материалдан жасалған баулығы, жіп. 2. #этнографиялық. Киіз үйдің сү йегін бір-бірімен ұштастыру, сыртқы киіздерін бастырып тұру мақсатында қолданылатын басты жабдықтарының біріне жататын басқұр жібінің жиынтық атауы. 3. Қармақтың сапқа байлаған ұзын ызба жібi. 4. Металдан жасалған берік арқан немесе шынжыр. 5. #сөйлеу. #техникалық. Ток өтпеу үшін оқшаулағышпен қапталған электрондық сым. 6. #ауыспалы мағына. Өте жіңішке талшық. 7. #ауыспалы мағына. Бұғау, құрсау. Бау арық. кәс. Егіс даласындағы ең кішкене арық. Бау ашты. #саятшылық. Үйретілген қыран құс бауынан босатылып, алғаш рет аңға түсіп, аң алды. Бау ашу. #саятшылық. Үйретілген қыран құс тың бауынан босатылып алғаш рет аңға түсіп, аң алуы. Баумен кестелеу. #қолөнер. Киімді әшекейлеу үшін пайдаланылатын жіптерден (жүн, жылтырақ жіп қосылған жартылай жүн), ширатылған баумен немесе дайын баулармен тігілетін кесте. Бауы ашылды. #саятшылық. Қыран құс аң ұстауға әбден машықталды, дағдыланды. Бауы берік болғай. тілек. Жас баланың өмір жасы ұзақ болсын деген мағынада. Бауы берік болды. Мызғымайтын, мықты болды. Бауы берік болсын. а ) #этнографиялық. Жаңа туылған жас сәби өмірлi болсын, құтты болсын деген мағынасындағы тілек. ә ) Мызғымайтын берік, табанды, бекем болсын.
|БАУ 2#омоним #зат есім. Жеміс ағаштары, гүл және басқа өсімдіктер отырғызылған жер, бақ, бақша.
|БАУ 3#омоним #зат есім. егіншар. Егіннің, шөптің бір байламы, бір будағы, десте. Бау байлау. егіншар. Орылған егіндi, ши не шіліктi, бау етіп буу, баулау. Бау тары. а ) Бауда тұрған, әлi бастырылмаған көксағал тары. ә ) Ерте салған егін пісіп, егіншілер бау тары iше бастаған кез.