Kazakh explanatory dictionary: АУЫЛ

Word: Kazakh Russian English Search

|АУЫЛ #зат есім. 1. #тарихи. #этнографиялық. Бiр жерге қоныстанған онон бес шаңырақтан тұратын, өзара туыстас киіз үйлi қауым. 2. Тұрғындарының негізгi бөлігi ауылшаруашылығының белгілi бір саласымен айналысатын шағын елдi мекен. 3. қоғ. әлеум. Шығыс халықтарында, әсіресе ертеде көшпелi, жартылай көшпелi өмір сүрген қазақ, қырғыз, түрікмен, башқұрт, татар, Солтүстік Кавказ т.б. елдердегi қоғамның белгілi бір әлеуметтік құрамы. 4. #ауыспалы мағына. Белгілi бір ауылда тұратын халық, ел-жұрт, белгілi бір жерде тұратын адамдар. Аулы алыс [ қашық ]. а ) Алыс, қол жетпес. ә ) Қатысы жоқ, жанаспайтын, беймәлім. Аулы аралас, қойы қоралас. Аралас-құралас, көршілес, iргелес қоныстанып, етене жақын болып кеткен. Аулыңнан үрген иттің үнi шықпағыр. #қарғыс сөз. а)Үрерге итің, сығарға битің болмасын, құр алақан қал. ә ) Қаңырап бос қал, жалғыз қал. Ауыл айбанасы. #этнографиялық. Күйеудің ұрын барғанда, қалыңдықтың атаанасына апаратын сыйы. Ауыл айбаты. #этнографиялық. Күйеудің қалыңдығының ауылына келгенде беретін кәдесi. Ауыл ақсақалы. #этнографиялық. а ) Ауылдың үлкенi, ақылшысы, сыйлы қариясы. ә ) #тарихи. Дәстүрлi қазақ қоғамында ауыл болып отырған елдi басқару iсіне араласатын ықпалды, жасы үлкен ер азамат. Ауыл әкімi. қоғ. #саяси. Ауылдық мемлекеттік атқару органдарының басшысы. Ауыл баққан. Ауыл төңірегінен шықпайтын. Ауыл болды. Бiрлестi, ынтымақтасты. Ауылды басына көтердi. Бүкіл ауыл еститіндей у-шу, азан-қазан еттi. Ауылдың алты ауызы. #этнографиялық. Қонақ алдында ауыл адамының әуелi ән бастап беру кәдесi. Ауылдың әулекісi. Ауылдың әуей-iсi, тентегi. Ауылдың түтінi. Ауылдағы әрбір үй, отбасы. Ауыл жақтық істеді. Жерлестік жасады, жақынына бүйірі бұрды. Ауыл иесi. Белгілi бір ауылдың тұрғыны. Ауыл итінің құйрығы қайқы. Әркім өз жерінде батыл, мықты, еркін деген мағынада. Ауыл кәдесi. #этнографиялық. Ат арылтып келген қонаққа көрсетілетін сыйсияпаттың түрi. Ауыл кеңес [ совет ]. #тарихи. советизм. Ауылдың әкімшілік басқарушы органы. Ауыл кешi. Ауылдың жайма шуақ, жанға жайлы, мал қораланып, күндізгі ыстық қайтқан, ел бау-бақша, үй шаруаларына жүгіре кіріскен кешкі уақыт. Ауыл көрімдік. #этнографиялық. Қалыңдықты көргенi үшін күйеудің қыз жеңгесіне беретін сыйы. Ауыл қонды. #көнерген сөз. #этнографиялық. Ауыл жаңа қонысына көшіп келдi. Ауыл салық. #көнерген сөз. Бiр ауылға салынған ортақ салық. Ауыл #советизм. #тарихи.#советизм. #сөйлеу. Ауылдық кеңес. Ауыл ұя. #тарихи. советизм. Кеңестік кезеңдегi ауылдық партия ұйымы. Ауылынан қырық қадам [ ұзап ] шықты. Онша алыс емес, біраз жер жүрді, азғана ұзады.